Қыркүйектің 29-ы күні «Асыл мұра» бағдарламасы аясында Алматы қаласының мешіт қызметкерлері арасында Алматы қаласы Дін істері жөніндегі басқармасының тапсырысымен спартакиада ұйымдастырылды.

Жарыс Нархоз университеті стадионында шағын-футбол, армрестлинг, үстел теннисі, гір көтеру, арқан тарту, тоғызқұмалақ және шахмат, 100 және 800 метр (эстафета) қашықтықта жүгіру спорт түрлерінен өткізілді. Жеңімпаздар мен жүлдегерлер диплом, медальдар, кубок және сыйлықтармен марапатталды.

Спартакиаданың басты мақсаты мешіт қызметкерлерінің дене шынықтыру деңгейін арттыру және үздік ұжымдарды анықтау болып табылады.