2020 жылдың 22 қыркүйек күні «Нұр-Мүбәрәк» Египет ислам мәдениеті университетінде Алматы қаласы Дін істері жөніндегі басқармасының «Кеңес беру және оңалту орталығының» жұмысына арналған пресс-конференция өтті. Аталған Орталықтың негізгі міндеті радикалды діни топтар мен ұйымдардың ықпалына түскен адамдарға оңалту, кеңес беру, бейімдеулі көмек көрсету болып табылады.
Пресс-конференцияға Алматы қаласы Дін істері жөніндегі басқармасы басшысының орынбасары Көшеке Ерғали Ахилбекұлы және Орталық директоры Қайыргелді Руслан қатысты.
Өз кезегінде, іс-шараның спикерлері деструктивті діни ағымдардың ықпалына ұшыраған адамдармен жұмыс туралы, осы бағыттағы өзекті мәселелер жайлы атап өтті және өзге де бірқатар маңызды сұрақтарға жауап берді.
