Ағымдағы жылдың 12 және 13 қазан күндері мемлекеттік-конфессияаралық қарым-қатынасты нығайту мақсатында Алматы қаласы Дін істері жөніндегі басқармасының басшысы Нұрлан Қиқымовтың «Церковь Воскресенье Христова» және «Христианская Пресвитерианская Церковь Корё» діни бірлестіктерінің жетекшілерімен, сондай-ақ «Христианская церковь адвентистов седьмого дня» жергілікті діни бірлестігінің миссионерлерімен ZOOM қосымшасы арқылы онлайн форматтағы кездесуі өтті.
Кездесулер барысында Басқарма басшысы Қазақстан Республикасының «Діни қызмет және діни бірлестіктер туралы» Заңы аясында түсіндіру жұмыстарын жүргізіп, қоғамдағы сыбайлас жемқорлыққа қарсы іс-әрекет, дінаралық татулық пен толеранттылық, және мемлекет пен діни бірлестіктердің арасындағы байланыс туралы сөз қозғады.
Сондай-ақ, Нұрлан Қиқымов алдағы уақытта аталған форматтағы кездесулердің өз жалғасын табатынын және Басқарманың қала тұрғындарымен бірге дін саласындағы өзекті тақырыптарды талқылауға ашық екендігін атап өтті.
12.10.2021
