15 наурызда Қазақстанда жалпыұлттық Наурызнама онкүндігінің екінші күні – Қайырымдылық күні аталып өтеді. Бұл туралы Қазақстан Республикасының Мәдениет және ақпарат министрлігі хабарлады.

Аталған күн мейірім мен жанашырлықты насихаттауға, мұқтаж жандарға қолдау көрсетуге және қоғамда игі істер мәдениетін нығайтуға арналған.

Министрлік мәліметінше, бұл күні республикалық мәдениет ұйымдары түрлі қайырымдылық және мәдени іс-шаралар ұйымдастырады.